ليلث بالرابع بالميلاد:
عقد ومشاكل بسبب الأهل والطفولة والأم، ممكن الشخص يكون متعلق جداً بوالدته أو والده ولكن ما يحصل الحنان الكافي منهم، ممكن شخص من الأهل اذاه جسدياً وهو صغير أو عانى من التحرش بسبب حد فيهم، عنده تعلق بالوطن والأقرباء ويحب يشوفهم لكن ما يحترموه كفاية
ليلث بالرابع بالميلاد:
الأهل يتدخلون بقراراته المصيرية بدون أي اذن منه، مثلاً مجهزين له شخص للزواج وهو مو راضي أبداً، أو يحددون أي تخصص يدخله وهو مو راضي عنه، يحصل احباط أكثر من اللازم من الناس، غالباً المولودين بفترة الصباح متأثرين من الأب، واللي بالمساء متأثرين من الأم
ليلث بالرابع بالميلاد:
يحصل استغلالات من الأهل، يغارون منه الناس بسبب طيبته وهدوءه وحفظه للأسرار، ويغارون أيضاً من حب الأمهات له، ويغارون من تنظيمه لنفسه وغرفته بشكل عام، غالباً الأم تمنع هذا الشخص من كثير أشياء بسبب أشياء هي مرت فيها وتحسب بتصير للشخص..
يصاب بالخوف بسهولة
ليلث بالرابع بالسنوية:
الشخص هنا لازم ينتبه على منزله وخصوصاً غرفته، يهدا مع الوالدين مهما عصبوا عليه يمشي الموضوع، غالباً بيشوف حد من الأهل مضغوط، وممكن هو بنفسه ينضغط بسبب مشاعر الأهل السلبية، حدسه بيزيد بالأشياء السيئة والمخيفة..
ممكن يصير يطلع أكثر أو يشغل نفسه خارج المنزل
ليلث بالخامس بالميلاد:
صعب يتعامل مع الأطفال، ممكن ينفرون منه بالبداية فقط، يخاف يحظر الحفلات والمناسبات لأنه يتأثر من كلام الناس بسهولة، واذا قرر يروح يوسوس بشكله الخارجي كثير ويصير يسأل كل شوي عن مظهره وهل هو مرتب وجميل، يتألم إذا شاف طفل يبكي تحسوه يبكي بداخله ويعاني
ليلث بالخامس بالميلاد:
الشخص ما يشوف مزاياه مهما كثرت يحس أنه مو مميز وأنه طبيعي زيه زي غيره،يخاف من الأتنشن الزايد والمفاجئ وينفر منه،هو بعد كثار ينجذبون له جنسياً وممكن يضغطون عليه عشان يدخلون معه بعلاقة لكنه ما يكون مرتاح ويرفض، تلقون حتى اذا رفض الأشخاص يصرون لأن ما يقاوموه
ليلث بالخامس بالسنوية:
لازم ينتبه الشخص من الناس اللي بيتقربون منه، بيحس أن الناس تمدح عيوبه وممكن يشوف هوس حبيبه إذا كان بعلاقة، واذا ما كان بعلاقة بيقابل اشخاص متملكة وتحاول تتعرف عليه وهذا بيوتره، ممكن يعاني من التوتر بهالسنة وسرعة خفقان القلب حتى لو مافي سبب..
ليلث بالسادس بالميلاد:
الشخص يعاني من حساسية بالمعدة أو مشاكل بالمعدة من عمر صغير، مهما يسوي الناس تشوفه بطيء وما يستوعب بسرعة وهو العكس لأنه يفكر بعمق، يفهم الحركات الخبيثة والتلميحات ويربط المواضيع بسهولة بس محد يصدقه ويشوفوه يبالغ، يخاف من السخرية اذا عرض أفكاره لغيره
ليلث بالسادس بالميلاد:
ممكن عانى بسبب قلة الرياضة والحركة ومن زيادة الوزن بشكل عام، فترة بحياته يصير يمارس الرياضة كثير ويضغط على نفسه، يلتقط الأمراض بسهولة، الناس تغار من أسلوبه النموذجي بالكتابة ومن تفكيره الناضج، ويغارون أيضاً من التزامه، ويغارون من مثاليته بشكل..
ليلث بالسادس بالسنوية:
لازم ينتبه الشخص من الأغذية اللي ياكلها، ويحاول يوازن فيها وما يكثر عشان م يزيد وزنه، لازم يمارس الرياضة عشان تخفف تفكيره العميق والدقيق بكل شي،اذا امتحن أو درس يصير يدقق على كل شي لدرجة يتوتر وممكن يأثر على درجته
بيسمع كلام ثقيل عن مثاليته ولازم يتجاهل
ليلث بالسابع بالميلاد:
الشخص هنا يجذب الناس المتملكة والمهووسة، غالباً يواجه صعوبة من الفراق ومن التخلص من الناس السلبية بحياته، يشفق على الناس كثير،يخاف من فكرة الحب ويأثر على حياته بشكل، غالباً يسمع تلميحات جنسية تضايقه كثير..
رعبه المناطق اللي فيها جرايم ويتأثر ع الضحايا..
ليلث بالسابع بالميلاد:
الناس تغار من مظهره البسيط والأنيق، وتغار من جمال رقصه "اذا كان يحب الرقص طبعاً"، عنده سمعة حلوة بس كثار يحاولون يشوهوها حتى اذا كانوا قراب منه، عانى من الغدر كثير بحياته ف يصير يتهرب من الناس، اذا حد عبرله عن حبه يمكن يشوفها مبالغة، لازم اثباتات اذا تحبه
ليلث بالسابع بالسنوية:
ممكن يواجه مشاكل قضائية، أو يدخل بمشكلة بدون ما ينتبه، ممكن يفترق عن شخص يحبه أو يشوف فراق بين والديه ويتأثر،غالباً بيشوف اسوأ جانب من كل شخص تقرب منه،طبعاً ممكن يكون هالجانب بدون وعي أو بسبب غضب مع هذا الشخص يتأثر ويصير يخاف، ممكن يصير متملك اكثر بالحب
تعليقات
إرسال تعليق